Papiamentu
Deporte di vòlibòl na Boneiru ta biba fuertemente, i esei a keda demostrá durante e último torneo kaminda un gran kantidat di hungadó i fanátiko a yena sporthal kompletamente. E kompetensia, ku a resultá un éksito rotundo, a konta ku e partisipashon di 27 tim lokal.
Segun Everon Vrutaal, Lider Deportivo (Sportleider) di INDEBON, e kantidat di partisipante i presensia masivo di públiko ta un prueba opvio ku interes pa volibòl riba nos isla ta keda kresé dia pa dia. E ambiente den sporthal tabata energetiko i ku un ambiente deportivo positivo.
Mirando e éksito grandi i gran partisipashon di e aña aki, e tim di maneho di INDEBON ya kaba ta visualisá e próksimo edishon. Vrutaal a duna un bista i a amplia ku e intenshon pa e próksimo torneo ta pa alsa e nivel di kompetensia aun mas.
Entre e kambionan di mas grandi pa próksimo aña ta ku e ekipo kampion lo no bai kas solamente ku e tradishon bálido di e medaya di oro, sino ku nan lo risibí un premio èkstra i spesial. INDEBON ya kaba ta trahando riba e trayekto pa konkretisá e estímulo nobo aki pa e atletanan.
Kargando komentarionan...