Papiamentu
For di promé di aprel 2026, studiantenan lo por bolbe apliká pa Beka di Reino, un programa ku ta ofresé oportunidat pa studia temporalmente òf hasi stazje den otro parti di Reino Hulandes.
E beka aki ta destiná pa duna studiantenan den Reino Hulandes e oportunidat pa amplia nan eksperensia akadémiko i profeshonal for di nan propio isla. Ku e programa, partisipantenan por studia òf hasi stazje den otro pais òf parti di Reino, dependé di e trayekto ku nan ke sigui.
Segun informashon, Beka di Reino ta disponibel pa studiantenan ku ta inskribí na un di e institutonan di enseñansa ku ta menshoná riba e wèpsait ofisial di RCN. Esaki ta un kondishon importante pa por kualifiká pa e supsidio.
E programa ta mira pa stimulá desaroyo personal i profeshonal di hóbennan den e region, duna nan e oportunidat pa amplia nan eksperensia internashonal i despues aportá esaki na desaroyo di nan komunidat.
Ta enkurashá tur studiante ku ta kumpli ku e rekisito pa apliká na tempu, ya ku e beka ta un oportunidat importante pa ekspandé nan horizonte akadémiko i profeshonal.
Kargando komentarionan...