Papiamentu
Konstrukshon di e sala nobo di deporte na Skol Amplio Papa Cornes ta kla pa kuminsá denter di poko, despues ku último preparashon i pèrmitnan nesesario a keda kompletá. Den algun dia e promé skòp lo bai den tera, markando e start ofisial di e trabounan.
Segun diputado Silberie, e proyekto akí ta forma parti di un invershon mas amplio den fasilidat di deporte i enseñansa riba Boneiru. E sala nobo lo ofresé alumnonan un ambiente moderno, seif i bou di dak pa hasi deporte, ku ta algu esensial pa nan desaroyo, salú i bienestar físiko.
E realisashon di e fasilidat akí ta un deseo di hopi tempu kaba ku awor ta bira realidat. Ku e sala di deporte propio, e skol lo no tin mester di utilisá lokalidat eksterno mas, loke lo mehorá e planifikashon di lès i hasi deporte un parti mas integral di e dia di skol.
Tambe pa otro skolnan tin bon notisia: e preparashon pa e sala di deporte na Rayo di Solo ta den su fase final, ku meta pa kuminsá ku e siguiente paso riba término kòrtiku. E diseñonan di tur e fasilidatnan ta adaptá na nesesidat lokal, ku enfoke riba sostenibilidat i ventilashon natural.
Durante e fase di konstrukshon lo tin koordinashon estrecho ku maneho di skol i habitantenan den bisindario pa garantisá un proseso sigur i bon organisá.
Kargando komentarionan...