Den 2025, Fundashon Tienda pa Konsumidó Boneriano a registrá un total di 55 keho di konsumidó, un subida di 27% kompará ku 2024. 

Den promé kuartal di 2025 tabatin tin un kresementu fuerte di kehonan. Den e mes aña, e organisashon a publiká ménos keho temporalmente pa motibu di falta di personal i limitashon finansiero. Den último kuartal di 2025, e situashon finansiero a mehorá, permitiendo personal nobo.

Mayoria di kehonan a bini for di sektor di benta i servisio, ku huntu ta representá 63% di e total. Dentro di esaki, supermerkadonan tabata lider ku 33 keho. Tambe a bin kehonan for di sektor manera turismo, servisio finansiero i transporte.

Tokante tipo di kehonan, produktonan insigur (13%) i problema di higiena (11%) tabata esnan mas reportá. Otro kehonan ta inkluí subida di preis òf falta di indikashon di preis i tempu di espera largu.

Den 45% di e kaso, kehonan a wòrdu referí pa otro instansia kompetente òf kanal spesialisá pa evaluashon òf tratamentu adishonal.

E promedio di tempu pa trata un keho tabata 45 dia. Di tur keho registrá, 16% a wòrdu resolvé, 18% no tabatin mester di akshon adishonal, i 4% tabata ainda den proseso na fin di e periodo.

E forma di entregá kehonan tabata prinsipalmente via e-mail i bishita personal, ku huntu ta representá 64% di tur registrashon.

Pa 2026, Fundashon Tienda pa Konsumidó Boneriano tin riba plan pa mehorá e sistema digital di kehonan, amplia kolaborashon entre sektor i reforsá sosten legal, ku enfoke riba atendementu mas rápido i maneho mas struktural.

Advertisement