Instalashon di rampa dilanti Parke Tului ta den fase final

Lokal

Instalashon di rampa dilanti Parke Tului ta den fase final

Pa LJ 19 Jun, 2026 5 Min Lesa 171 Bishitante

INDEBON ta kontinuá ku trabounan di modernisashon di nos fasilidatnan públiko. Aktualmente, proyekto pa un rampa (heling) dilanti parke Tului ta drentando su fasenan final, ku e ophetivo prinsipal pa elevá kalidat di bida di nos siudadanonan i ofresé espasionan mas seif i aksesibel pa tur hende.

E proyekto aki ta dividí den diferente etapa pa garantisá ku e trabounan ta keda kla na un manera struktural mente seif. Na e momentonan aki, trabounan ta den di tres fase, kaminda e enfoke prinsipal ta finalisashon di e rampa nobo. E infrastruktura aki ta sumamente vital, ya ku e ta mehorá akseso na bishitantenan di e área, spesialmente pa nos grandinan i personanan ku limitashon di moveshon ku ta dependé di un ròlstùl pa mobilisá. Ku e rampa moderno aki, INDEBON ta eliminá opstákulonan ku tabata stroba akseso na laman den pasado.

Mesora ku e fase aki keda kla, lo duna inisio na e di kuater i último fase di e proyekto. Den e etapa final aki, e transformashon lo ta un mihó distribushon di lugánan di parker. Asina usuarionan di e parke por usa esaki mas ameno komo un punto di enkuentro kaminda famia i bishitantenan por sinta relahá, sosialisá i gosa di naturalesa.