Biblioteka Públiko Boneiru ta duna inisio na kampaña 'Bon Buki Boneiru' pa di dos aña konsekutivo. E proyekto akí, ku tin un enfoke kultural i edukativo, ta un inisiativa dirigí spesialmente riba habitantenan di 18 aña bai ariba, ku e meta prinsipal pa stimulá i promové lesamentu serka adultonan di nos isla.

Pa e edishon akí, e institushon a pèrkurá pa tin amplio material literario, ofresiendo buki den tur idioma disponibel na biblioteka. Esaki ta brinda oportunidat na un públiko multilingual i diverso pa aserká, eksplorá e kolekshon, i partisipá aktivamente den e kampaña.

Jakeema Hernandez, na nòmber di Biblioteka Públiko Boneiru, a duna detaye amplio tokante di e rekisitonan i e pasonan ku interesadonan mester kumpli ku ne pa bira miembro ofisial di biblioteka. Segun Hernandez, e proseso di inskripshon ta habrí i aksesibel pa tur siudadano ku ta deseá di fia buki i probechá di servisionan ku e Sentro Kultural ta ofresé.

Aparte di fiansa di buki regular, kampaña 'Bon Buki Boneiru' ta bin kompañá pa un insentivo kaminda miembronan ku ta lesa durante e periodo tin e oportunidat di drenta den un tómbola pa gana un variedat di premio. E kampaña ta forma parti di esfuersonan kontinuo di biblioteka pa engrandesé akseso na literatura i fortifiká ret di lesadó na Boneiru.

Advertisement