Papiamentu
Pacific Tsunami Warning Center (PTWC) a emití un mensahe di menasa di tsunami despues ku un teremoto ku magnitut preliminar di 7.1 a keda registrá awe atardi serka di kosta di Venezuela.
Segun evaluashon inisial, olanan di tsunami ku por ta peligroso ta posibel pa áreanan ku ta den un radius di 300 kilomer for di epísentro. Boneiru ta entre e teritorionan ku a keda nombrá den e mensahe ofisial, hunto ku Venezuela, Kòrsou i Aruba.
Kalkulashon inisial ta indiká ku e promé ola por yega na kosta di Boneiru rond di 6:30 p.m. ora lokal (22:30 UTC). Outoridatnan ta enfatisa ku e promé ola no semper ta e mas grandi i ku un tsunami ta konsistí di varios ola ku por sigui yega pa hopi ora despues di e promé impakto.
Habitantenan ku ta biba òf ta na kosta mester keda alertá i sigui striktamente tur instrukshon di outoridat lokal. menasa por varia segun e profundidat di laman, forma di e kosta i kondishonnan lokal.
E siguiente aktualisashon di alerta di tsunami lo ta den aproksimadamente un ora, òf mas lihé si e situashon kambia.
Kargando komentarionan...