Papiamentu
Miembro di e Komishon Herensia Kultural, Xenah Cicilia, a deklará ku dia 28 di mart 2026 ofisialmente a marka e inisio di Luna Kultural.
Durante henter e periodo aki, lo tin un serie di aktividat diversifiká ku tin komo meta no solamente selebrá Dia di Rincon, sino tambe fortalesé balor, tradishon i orguyo di e komunidat rinconero.
Vários ta esnan ku a bin presensia of partisipa den un di e kuater marchanan kual tur a finalisá simultáneamente na busto di broerjte janga. Aki a kanta i toka un ratu i despues a pasa pa e konosido sendementu di mecha. Kuater persona a sende e mecha simultáneamente dunando inisio ofisial na luna kultural ku lo kulminá den e evento di mas grandi aki na Boneiru ku ta Dia Di Rincon dia 30 di arpel.
Luna di aprel lo ta yen di evento kultural, edukativo i sosial, inkluyendo presentashon, eksposishon, aktividat pa hóbennan i adulto, i otro inisiativanan ku ta pone e rikesa di herensia di Rincon resaltá.
Segun Xenah, e intenshon ta pa involukrá henter komunidat, stimulá partisipashon aktivo i asina sigui preservá i transmití e identidat kultural di Rincon pa generashonnan futuro.
Kargando komentarionan...